María Ortega disputará esta fin de semana a Copa do Mundo de Tríatlon de Chengdu (China). A competición feminina terá lugar na localidade situada no sudoeste de China, na provincia de Sichuan, este sábado 10 de maio.
O obxectivo fundamental e acadar puntos para o ránking ITU, pensando na clasificación para os Xogos Olímpicos. A Copa do Mundo de Chengdu celebrarase nun circuíto composto por dúas voltas de natación (1.500 metros en total), seguidos de 40 quilómetros ciclistas, que discorrerán por un sector que inclúe algúns outeiros e xiros moi técnicos. Para finalizar realizarán un segmento de 10 quilómetros de carreira a pé divididos en catro voltas, por un percorrido chairo sobre asfalto.